تيامعت لملوك لشراف=وتيامعت من كل قبيله
يوم خطفت م السيح الانصاف=لان السعه عندها طويله
قامت تغريف بالتغرياف=وتفاختت عنها الدبيله
كم حايل مطعومه ألاف=في السيح سقتها مليله
رجيبها لا اصلف ولا راف=ومن الوطن عنده دليله
رجيبها من الكيف ما شاف=ولا بدته منها عضيله
والحول بتويبه أصراف=يحرزها الله من الفشيله
ناقة إمام زبن من خاف=يحرزها الله بالفضيله
حظ بو خليفه م العرب طاف=عادات والعاده جميله
يا من يبشر زين الأزلاف=الغر لي ينسع يديله
يا مرحبا يا حي منحاف=وإن صبحت ما هوب مليله
شا شف حر شرف وشاف=وإن صبحت تمطى اليديله
خطامها يا زبن من خاف=ذخري ف لوقوت الطويلة
أضفوا على الرجيب بالحاف=شالات وبشوت جميله
وأرفقتها من حش الأطراف=ولا تنطعم بيد بخيله
حشوا عليها جت ما هاف=وارعوا بها عشب اليليله
يا ولد سالم ينك أولاف=لي نشروهن في الدبيله