حمرا الصغير يت بلا رهان=وجه فليح وربك أعطاه
وتيملت ما بين شيخان=العز عنده والنصر ياه
يوم نشروهن والفجر بان=سووا لهن في السيح معياه
مثل الجني لي بين نيطان=صغيره والغزل تمطاه
رجيبها من الكيف سكران=شارب هوى والرب بداه
ما طف يوم انقص لبطان=حطه تحت يده ووطاه
وين الصفيرا بنت ظبيان=لي وسمها بالوصف عرقاه
يتن شرا ما يري لمزان=لي في السواجي دافج ماه
حرزتها عن كل عيان=وعن حاسد عنها كفيناه
شهدوا لها حضر وبدوان=والغر يللي قايج صباه
لمنتبه من نسل عرجان=ما هبطت سوق المناداه
العز له بن ناصر وكان=ويستاهل الناموس لي ياه
وفوا عليها كل ديان=وكفوا بها عنا المعاداه
كم واحد جد عزم وخان=ولي من طروها رد ميراه
وارفقتها من حاضر عمان=ما تنقلص تيفان مبداه
حطوا عليها دشن سامان=من الرقم لي غالي شراه
حشوا عليها جت رويان=لي مضري تيفان مسقاه
حشيش رابح هوب خرسان=شي بوزن وشي مهاياه
صلاة ربي عد ما زان=واعداد ما فرض وفيناه