عيني اليمنى وزاها ما يونا=من وزاها يا نديبي كنت صايب
في الحفظ جار تقفا عن وطنا=حماه الله عن نار اللهايب
خفي الحس بو مدح يثنا=نجي العرض ويعرف الموايب
من خلج ماجد على جاره تعنا=ولا تحدث بالحكي لي هوب صايب
يوم ياه البين ليته سال منا=بانسوق المال وخيار الركايب
ما درينا لين ذاك الحس ونا=مثل ما ييتوا على الهين الخبايب
قلت والعازات يا يار محنا=قلت والعازات من وخذ بنهايب
باتوا الجيران فوقه مريحنا=واصبحت لخلوق في بيته ضرايب
يوم خطيناه في ذاك المحنا=تمت الربيان تبجي والحبايب
وأزمت الارياح من ثوبه اتبنا=يوم وطيناه في ذيك الترايب
قلت كل يا الدود يعلك ما اتهنا=من ينوب ناجيه من كل خايب
على قبره مرعد سابر يدنا=يا إلهي يعل ما تيه الحسايب
والف صلى الله على ما دار ذنا=وعد ما يانا مهب الكوس لايب
يا الحسايف يوم بايجفي ضعنا=والغضي يمسي بلاحق وصايب
يا وجود الخل يوم شرف وثنا=ضافي الميدول مدماي الروايب