ما هوب متشره وزعلان=إلا الوطى مالي سنع فيه
الصيف يبغي روس نجيان=وين البراد إييك نابيه
في ظل عود نايف أركان=ودرب الصدير يمر شرجيه
والقلب متنوي يبا عمان=يا ربيه تبلغ مناويه
بننتجي من الهين صوغان=يعل الشوف ما تضرب أيديه
هوياك يا مدعوي الأعيان=ما شاع عند الناس طاريه
بنهبط في يلاب سلطان=واللي يباه القلب ينجيه
وبنخرف من بجس وعوان=والرازجي ثامر حواليه
ما بين فل وخلط ريحان=وحتى السمن يشك وييه
يعل الرعد لي بات دنان=يسجي على من قيض هنيه
جاري ولا ابيعه بالاثمان=إن عاد متلني وأنا أتليه