الشاعر : سالم الكاس
تسقون يا نزلة كواكب=عسنكم في خير باجين
يعل المطر يسقي وطاكم=ينهل يوم الناس هيعين
يبطي ولا ييبس ثراكم=ومن الغدر تروى به سنين
ما ريت في الديره شراكم=انتوا صدام اللي مصيعين
والحمد لله لي عطاكم=سيد العذراى بو صبا زين


الشاعر : سالم الكاس
ريت عندك يا الغضي حوره=روحي ع الدنيا تخليها
المدامع والخشم صوره=وهدب عينه لي مضفيها
واليديله باع مظفوره=من خيار الطيب يحشيها
الحمد لله لي خلق نوره=لي خلق نور القمر فيها
طالب سفره وكندوره=من الزهبه إللي تضويها


رد الشاعرة : موزة بنت جمعة المهيري
يا حي قول الشاعر وتم=يا مرحبا به عد جيله
والعد مرفوق من الذم=يا دامنا نقدر بحيله
سامحنيه لا أدري ولا أعلم=إنه عليه الكم دليله
واتحسبه عد مهردم=واشوف سكانه جليله
ثر يمته من حوض زمزم=ولي يسكنه زرع الجميله
واليوم يعله سحب اردم=تسجيه يا ربي مخيله
يلين يظهر عشبه ازمم=النبت من غير اليليله
يلين عليه الزين ينعم=الغر مسود اليديله
وإن جان بتشيد مخيم=ما اشوف من صوبي عضيله
اطروك واجف تنشر الدم=نهار حاضرت الوهيله
بمشوج ضربه مسمم=تلحق يلو ما لك تبيله
إلا خايف أن الشي يجدم=ولا نشوف في هورة نثيله
ويهبطه الحافر ويندم=والرزم ما يقدر يهيله
ويقول ظهرني وبسلم=ما ريت في حفره فضيله
إلا قدر فيه انتوثم=نييه ونقطع ظليله
لا تحسبه عد مولم=وعليه بتعدل مجيله
وان جان يا الشاعر معزم=قم هات بريال صليله
حتى نحن هوياك بنهم=وبنيب له من كل جبيله
هذا وصلى الله وسلم=على النبي خير الفضيله