حي بهبوب الكوس لا يب=لي من وطنكم يا المحبين
من وطني ما هوب هايب=يا الله تخلي زايد سنين
يا بو غنيم الحق صايب=شتقول ف دروب المودين
عن لا تصدق ها الكذايب=يا ليتهم بالحال دارين
ما يجوز عقب الزين خايب=لو انتوا قبلتوا منيه دين
الود من يوم الصحايب=عايا بليلي والمجينين
واللي يقرون الكتايب=لقطوه بين القلب والعين
ما أيي على شد الركايب=يسطي عليك امبين ضلعين
تسوقه أنسام الهبايب=ويسم حالك ساعه وحين
يا ويل لي م الود ذايب=مبيوح لو بيهاجر سنين
باحسانكم يوم الحسايب=فأهل الموده سيروا بزين
أقفوا بمسمر الهدايب=ناس على لاماه شفجين
أقفا ولا حاتى العتايب=ولا خاف إنه خبره يبين
يوم عزموله بالنهايب=ما شاوروا واحد ولا اثنين
الصبح ردوله ندايب=ما يوه يوم الناس هيعين
ما عجلوا هل بالطلايب=لي عندنا لابه وذربين
جادن أييبونه غصايب=لو حولوا بمهات تاجين
واليوم ما قربه حسايب=يازم ردوده عسر ومحين
لو طرشوا صوبه خبايب=طروشهم مايت امبشين
ما يول القرطاس غايب=ولا يفرح قلوب المحازين
دونه بحر سوى غشايب=ومن دونه حصون ودكاكين
إن سوت المويه سوايب=روفوا على بو يادل زين
محروز يا زين الذوايب=عن ربعة اللي فيك عوفين
عليك م المعبود حايب=وحروف من عم وياسين