هلا يا حي من جا بالسلام=سلام به تحية واحترامي
هلا به عدا ما هاجت وماجت=وعدد ما هل وبل من غمامي
هلا باللي لفانا من بعيد =تهلي به دموعي بانسجامي
قريته وافتهمت اما حواه=وهاض القلب من حسن النظامي
نظامٍ هاضني واهتضت منه=له الترحيب في شوق وغرامي
ألا يا مرحبا به وألف حيه =عدد مابان نور من ظلامي
وعدد من زار مكه والمدينه=وكل اللي وطى بأرض الحرامي
وعدد ماناحت الورقا بصوت=وما حنّت على المهجور ظامي
انا ببدع على هذا النظام=نظامٍ وانتخبته من نظامي
فهيمٍ في حسابه وانتسابه=كما المختار في بزٍ* يسامي
وأنا من بعد ذلك مستعدٍ=لمن هو خصني زِد الانامي
وبادرني بطبيب من موده =نصح لي بالصداقة باحتشامي
أنا آجاري الطيب بطيب=وقليل الطيب يعداه الكلامي
يهل الجود "م" السحب الحشود=ولاجود بسحاب الكتامي
ونعم الرجل عندى ولد عامر=عزيز الجار باسم الجود سامي
شكيت الصد لي يا ولد عامر=وطال إبك الجفى عقب التلامي
فلا شي على سيره يدوم=ولا شي ما تغيره الأيامي
تكدر مشربك واقفى الحبيب= نعيم الطرف وخصوره اهضامي
دعاك ابحر هجرانه غريق=عسى ماجاك يوزابه همامي
ولي منه تعذرك القريب=أنا لك يا عريب الجد حامي
انا بحماك وآلبي نداك =انا لك ملتزم حد التزامي
انا سلة حسام في يمينك=تعدي به عدوك في الولامي
أنا لك يا نظير العين درع=وذخر لك انا يا بن الكرامي
أنا ضد الذي من كان ضدك=انا لك حاضرٍ وابنى عمامي
انقود الصلح ما بينك وبينه=محب ما يهينك ابتلامي
ونرضي كل من عيوا عليه=بشيماتٍ وطلبه من اكرامي
ولا نذخر عن الغالي حلال=ولانرضى بحبل الانصرامي
ولي عيا عدوك ما يلين=بعود الزان أوحد الحسامي
انقود أرواح ما نعطي صلاح=بيومٍ كم دخانه رهامي
سرايا كلها نقوة اقروم=يحبون الملاقي والصدامي
وطير السعد حام على الصديق=وعلى العدوان طير الموت حامي
انضد الضد ونجيب الحبيب=ومنه اتنال غايات المرامي
تولاف الولايف كن ذوقه=كذوق الفطر من عقب الصيامي
وانا عن حالتي يا ولد عامر=دريت ومنها عندك علامي
وما قد صابني شيٍّ صحيح=سباني حب مضفي اللثامي
أهاذيبه على طول الليالي=بحبٍ واشتياقٍ مع هيامي
وذقت امن الهوى كاس المراره=وعاقتني من الممشى عظامي
اقضي اليوم من كثر الهموم=واعانق صبعي الوسطى البهامي
ابات آنوح واشكي من اجروح=وبالونات اسهرت النيامي
وليف فى الهوى خذني ابتل =كما تل الصعب حبل الخطامي
وله يادل يميل على الردوف=الي هده على المضمر وقامي
طروب البال مزاحٍ عجوب=سلب عقلي بهرج وابتسامي
أنا يا كم عينايه تراين=بزوله بين هذيك الخيامي
أنا ما نساه ليله "م" الليال=تلاقينا بطيفٍ م الحلامي
تصافحنا براحات اليدين=تواجهنا وحن عدنا قيامي
وخزينا كما السكرى قعود=ومال ابنا الغرام ابلا مدامي
وطحنا فوق فرشٍ ناعمات=مهفهفةٍ كما ريش النعامي
اضم اجعود واشم الخدود=برضوان منه لابنتقامي
وصدري بين هذيك النهود=ونحر مالعب فيه السهامي
الي من طحت وسد لي يمينه=ولي من قمت أرخى لي اللثامي
وراح امن الدجى وقتٍ طويل=وبان الصبح من عقب الظلامي
وقمت أقول من عقب الذهول=ألا ياليت حلم الليل دامي
الا ياليت ذا علم وكاد=ملاقات الحبيب في المنامي
وهذا ما جرى لي من الحبيب =عسى يا ولد عامر ما تضامي
ومن له في هوى الخفرات راده=صبر في شيل حمل ما يرامي
وقبلي فى الهوي مجنون ليلى=مع الوديان سايح والاكامي
يلي مرن عليه أريام قال=شبه ليلى عليكن يا ريامي
ومحسن فى الهوى خذله زمان=مهيمٍ في لياليه القدامي
وعقبه فى الهوى شاب الخليفي=سقنه البيض كاس من المدامي
وكم من الهوى أمسى صريع=إيونّ وفيه جرح الحب كامي
تعذر لايداويه الطبيب=وجرح الحب ما يكميه كامي




* بز : الشي الغالي الثمين