هلا بكتاب عبد الله وحيه=ثلاثين الف وديه فى حسابه
ومن لبي ومن اعماق قلبي=على يا مرحبا يا مرحبا به
تراحيبٍ بها تحيا القلوب=وتشرح صدر من زاد العنابه
كتابه من قريته هاض ما بي=وهاض القلب واظهر صوح ما به
وحطّيته على راسي وعيني=وقبلته تقابيل الهنا به
عرفت الحال واما فيه قال=عرفت الحال واهتميت ما به
صديقٍ خصني زد العباد=من الأبعاد عنّا لي كتابه
صديقٍ ظن فيه ظن خير=وانا حاضر ويبشر ماهقا به
شكى من ظلم هجران الموده=وليفٍ وانكروا وصله احبابه
شكى بالزين من عودٍ حسين=ثليل العين جارحةٍ هدابه
نعيم الطرف مجلي الثنايا=تلاف الروح لحظه من رمابه
وصدرٍ فيه رمانٍ صغار=وعنقه عنق لي رب العدابه
وله وجهٍ يفوق البدر نور=الي منه كشف ضافي حجابه
تزيد العافيه مزة شفاه=دوا الامراض ثغره وان سقى به
ولي شافه تعذب فى هواه=لذيذ النوم عافه ما هتنابه
تجرعك المرار وكي نار=وتنظيمٍ تبعهن في يهابه
صويب البيض يشكي من مريض=وجرحه في الهوى ما ينسطى به
إلى منه سمعت الطير غنى=بأنغامٍ على محلى الغنا به
سطت لي في الحشا نار تلظى=ضجيج اليوف حاميها نظى به
وتلعب بي رياحٍ من غرام=واسباب المحبه والصبابه
كذلك بعد انا حبيت واحد=وداده صاعني واشقيت مابه
وداده في الحشا عاتك وفاتك=وحتى الدم من جسمي جرى به
خشيف الريم لي توه فطيم=الي من بكّر الوسمي رعى به
مضت لي في مهاواته سنين=مطيعٍ طايعٍ في ما هتوى به
اراعي له وداه عن حقاده=على عدله وميله عن عتابه
مضت ايام وده ثم راحت=وراح الوقت واللي قد مضى به
وشيٍّ زلفت به ماضيات=رجوعه يا شفاتي به وما به
ومن يومٍ بيه خان الزمان=وشفت البين وثّق في نابه
كتمت وصرت عن ما بي جحود=عن الحساد وعن لا ينحكى به
انا صابر واصبر وآتصبر=صبور صابر فيما ابتلى به
نجيبكم يا شفاتي من بعيد=على اللي سيرهن كيف وطرابه
يعجبك سيرهن لي من تقافن=سوايه ما تبقيهن رغابه
عليهن من خيار العارفين=وشوابٍ مع شبان لابه
ونمشي صوب من هوله قريب=ونحنا حاضرين ابكل اجابه
ودون الحق فى شفك نعين=ونسعو بالوصل وانفكّ بابه
وناخذ من ملك قلبك هواه=وليفٍ متعبٍ حالك وذابه
ونجمعكم ونصلح كل شان=ونجعلكم بعد هذا انسابه
جزالك الله خير امّا دعيت=عسى دعوتك عند الله مجابه
سقى الله داركم واديار هلنا=بيودٍ هل واجرت به شعابه
ترويه المضامي فى الوسامي=وعم الدار بيود انصبابه
وهذا مالزم واستغفر الله=إذا قولي تباعد عن صوابه
وصلى الله ما حنت ودنت=رعود الصيف فى مدهم حجابه
على خير الملا الهادي محمد=على آله مع كل الصحابه