البارحة جفني من النوم عداف=واليوف باتت فيه تلهب حراره
بت آتوجّد وآتحسف تحساف=آون والناظر تسابح عباره
قم يانديبي فوق ملموع لطراف=جيبٍ من الطرز الجديد الخياره
طرز الجديد اللي على السير هزاف=مكتمل التمرين مابه غياره
توايره من (لطلسيات) لخفاف=توطى الرمال الراخية والحجاره
ومفصلٍ له فوق لصياخ رفراف=ومورد الرفراف فوق الغماره
عجل ايلا اقفا مثل عاصوف لصياف=ماتخص منه كود حاثي غباره
يكسر على العطفه كما طير خطاف=ويزرق كما زرق الحنش م الخواره
منوتك لي بدّت ملازيم واشفاف= يقربك م اللي معبداتٍ دياره
عليه قرمٍ م المناعير لشراف= فهيم ما يزداد عرف وشطاره
يسري ولو باقي من الليل لنصاف=ويدل في ليله كما في نهاره
خلا على يمناه بالسير لسياف=واخشوم بر الباديه عن يساره
رح يا نديبي لا تحاتي م لكلاف=ما هوب لك درب الونى والعثاره
اوصل الى صالح بمكتوب لصناف =وتبلّغه علمي وخط العباره
يفرح يلي من جاه من حضرتي قاف=زِد العرب عندي رفيعٍ وقاره
عليه سلم والتحيات برضاف=عد النسيم وعد جاري امطاره
وقل له ترى أحمد من بلاويه قد خاف =خايف علي ذي الروح تنفذ خساره
من حب غطروفٍ تكمل بالاوصاف=اللي وداده مسقينّه مراره
باح العزى واصفق براحات لكفاف=ويا من فضى سدّه بغير اختياره
وحالي كما زرع من الهيف ملتاف=واصفر لونه عقب ذيك الخضاره
واعوي كما ذيبٍ تعلا بمشراف =لاجل العشا "م" اليوع خلا المغاره
على الذي حبه سطى لي بلنجاف=من مهجتي متملكٍ بالفقاره
الصاحب اللي ما حكوا فيه لخفاف=ولا على الطفقين بيّح اسراره
ابو نهود كالفنجانين وقاف =وله البياض مشجّرٍ بالحماره
حبّه ملك من له على الملك مسعاف =ملك العبيد اللي عليهم لاماره
وقلبي غدى لمريّش العين مولاف =ويحن له كل ما تعلا زباره
يابوعلي فقد المحبين تلاّف=وانا حملته بامر والي اقداره
ما قدّر الوالي على العبد ما طاف =م اللي يصيبك ما تفيد الحذاره
وجدي على اللي حط بالقلب رجاف=وادعى الحشا ما تنطفي اليوم ناره
راعي جبينٍ في دجى الليل كشاف =وتلظ من تحت الغشايا
وميدلاتٍ شلها فوق لارداف انواره=تكسي ضميرٍ غاشيتها سماره
بيني وبينه ليت يسعون عرّاف =بمساولات وطلبةٍ من كباره
يابوعلي في شف مملاي لطراف=لو سقت روحي مع حلال وتجاره
وابلٍ يظوّيها من الفلو طنّاف =في مهضّم الخصرين ما من خساره