الحمد لله يوم ربي سقانا = غيث يروي دارنا من سحايبه
حمدناه واثنينا له الحمد والشكر = حمد جزيل يقوم عنا بواجبه
فهو الواحد المحمود في كل حالة = على اليسر والعسر المكدر لصاحبه
فلو هي خلت الايدي من المال نرتجي = من الله مدات تجي من وهايبه
فلا ييّس المخلوق من والي السما = إلى عاد رزقه عند مولاه كاتبه
فالرزق مثل الظل ما يفارق الفتى = ولكن بالتقوى تدّور مكاسبه
نشت مزنة م الغرب وانهل جودها = على البند وامطر لين فاضت جوانبه
سقنه من الوسمي مزون رغيبه = بنو الوحيمر واكتفتها هبايبه
سقاه الحيا من فضل ربي وجوده = إلى الحول والما باجي في كواكبه
وحفت به الغدران من كل وجه = وكل تعني ووقف ينظر عجايبه
عنينا وشفنا ما يسر الخواطر = من رحمة المولى وطابت مشاربه
هني لمن حاش الأجر واحتظى به = من الله في فعله وهذي سبايبه
جزى الله بوحاضر من افضل الجزا = واجزل عطاياه الولي من وهايبه
رفعنا كفوف بالثنا ندعي له = عسى الله يقبل ما دعينا بجانبه
سوى له احسان على ساير الملا = خص على دلما ومن في قرايبه
من بعض احسانه عليها بنا بها = بند حصين وطاب ماها لشاربه
سكنها وعمرها وشيد بها = بيت على الطولات قامت جوانبه
علت واستنارت به وزانت ربوعها= زهت به ويزهي كل منزل بصاحبه
فالاجواد مثل الغيث لا حل في الثرا = ينبت بعشب ويغتني من يجاربه
عسى الله من كل البلاوي يحفظه = وحاضر وعيد وما بقي من قرايبه
والعبد بن جاسم عسى الله يديمه = عبدالله اللي للثنا دوم كاسبه
كريم سخي النفس من خيرة العرب = وافعاله الحسنا بالاذكار طايبه
ونعمين من حاضر وعيد كذلك = كرام وفيهم وقول : (يا نعم) صايبه
عيال نشوا ما داسوا لحد زله = ولا رد عانيهم واياديه خايبه
وانا محسن ظني بربي وخالقي = على كل حال ثم محسن رجاي به
فهو منقع الجود وهو معدن الصخا = ابو حاضر المحمود في كل نايبه
عسى يفزع لمن ضامه زمانه وعاقه = عن مقصده واجذت على المار كايبه
غريب بعيد الدار ما طاب له كرى = ولا انساح باله عقب فرقا حبايبه
إلى هب نسناس من الغرب ذكره = داره وزاد العنا به من مصايبه
صلاة ربي عد ما لاح بارق = على النبي وآله وجملة صحايبه