البارحه ما ذال جفني بالمنام = والحشا به حا حالي ما يرام
بت أقاسي هم قلب ما يفيج = من عناه معذب دوم الدوام
لين بان الصبح وانا في عذاب = ساهر العينين والقلب استظام
من مهاة شفتها وقت الغروب = تدني خطاها وتبدي لي سلام
أثنت بخافي التحية والسؤال = وأرسلت من لحظ عينيها سهام
من عيان زاهيات للعيون = شبه عين الريم لي يرعى العدام
والحشا ضامر وقده بعتدال = والخدود بروق غيم في ظلام
أحور العينين مثله ما يصير = نابي الردفين مياس القوام
كامل حسنه وفايق بالعدال = مثل نور البدر في ليل التمام
لا مشى يختال كالغصن الرطيب = نافل بالزين عن كل الأنام
قلت انا بك مغرم يا ذا الفتاه = شاجي والحال باداه السقام
من ودادك صرت مهموم غليل = ما هناني النوم وطيب الطعام
قالت احنا ما نشوف يك انتكال =من شهودك في المودة يا غلام
ما نظرنا فيك حال يستراب = في سرورك ودوم حالك في نعام
قلت انا لي شاهد ما يستعاب = دمعة العينين لا جن الظلام
وانتحال الحال ما هوب الدليل = مخفي ذا الحب عن كثر الكلام
لو دروا بالحال واللي به بليت = من هواكم كان زادوا في الملام
يا فتاة الحي روفي بي قريب = ارحمي منهو بحبك مستهام
لا تطيعين المعادي والحسود = لا سعوا بالشين أولاد الحرام
جعل من يغتاب عرضي بالكذاب = ما يشوف إلا الشقا دوم الدوام
والختم صلوا على خير الورى = سيد الكونين مصباح الظلام