ليتك تجي يا نود من مطلع سهيل=ماجا هبوبك من اقبال الجزيره
مللت قلبي في مبيتي ولمجيل=ما يوم تمضي ساعة له سرير
يا ضيق بالي يوم ياتيني الليل=ليل يضوي لي طواري كثيره
الناس تمسي به رقود مذاهيل=وانا كما الحراس عيني سهيره
عين تساهر بالدموع الهماليل=تختال لماع البروق المنيرة
يعل القنوف اللي يسوقه مكاييل=بامر الذي علام خافي السريره
يسقي وطن راعي الثمان المذابيل=الصاحب اللي ماتمنيت غيره
لي له نهود مثل وصف الفناجيل=وجنب عفر باهي بياضه بشيره
ليه من ولد الجوازي تماثيل=ريم سمع م اللي يختله صفيره
امصيب قلبي بالعيون القواتيل=وادعى جروحه غاتمات خطيره
عليه وجدي فوق عشرة مكاميل=وجود عمر ضاع بالعج طيره
واصبح يتلوح في معالي المطاويل=ويصبح كما سبر يشوف المغيره
مالوم ياعين دموعك هواشيل=ماترقدين الليل وانتي خبيره
تشكين م الفرقا وانا ناقل الويل=الله يجعل لي ولك بالنظيره
بشكي لمن دارس فروع التماثيل=في امبقش يمشي مع الجو سيره
منقول باللي تقطع الجو بالميل=بالسير تصلبها على الجد سيره
يابوعلي وقتي غدى بي مع الميل=يقفي يلي امسيت باطراف خيره
دون الاحبه تزري الكنس الحيل=من دونهم يا كم عفين صديره
من عندهم ماتتصل لي مراسيل=ولا وجهت اهل العلوم السفيره