نفى عني الكرى قمت اهتماما = خيال زار من صوب الحجاز
سقى الله بالحيا ذيك الخياما = حقوق طاف من فوق النوازي
سقاها الله وارواها دواما = وحيا الغيث هاتيك المفاز
ربوع فيهن لخلي مقاما = غزال للغوى والزين حاز
كحيل الطرف وضاح اللثاما = عفيف من نسل قوم اعزاز
خفيف الروح عبث ما يراما = يماطل بالوعد ما من نجازي
يفوق الغصن لا هز القواما = وسل سيوف جفنه للبراز
أبو وجه كما بدر التماما = وخصر يشتكي ثقل العجاز
وجعد عادي حد الحزاما = على ردف تعزل بامتياز
إلى من قام عجل باهتماما = تشوف من الغوى فيه اهتزاز
تحير العين في وصفه إذا ما = تبدى لابس ثوب الطراز
حبيب لي رحيب بابتساما = عنود للحشا والقلب حازي
ترى هو سيد ربات الخياما = على الخفرات له فضل اعتزاز
له العشاق تخضع باحتراما = وتاخذ منه احكام اجتياز
رعى الله ما مضى عصر الولاما = زمان الأنس مع ذيك الجواز
ليال نلت فيهن المراما = وقلبي بالصفا والوصل فاز
صفى لي الترف عامين تماما = واشوفه عن وصالي اليوم جازي
رماني بالهجر عقب الملاما = وكدر بالجفا صافي المجاز
تنكر لا سلام ولا كلاما = عقب وصله بهجره لي يوازي
بخل حتى برده للسلاما = له الله يا ملا رب بجازي
عليه آهل دمعي بانسجاما = عقب انسي وصاحبت التعازي
أنا هل كيف صبري يا نداما = عزا عني وانا ما نيب عازي
سألني قلت هجرك لي حراما = ولا أدري من قضى له بالجواز
وحق عهود حبه والغراما = وصرح شيده في القلب نازي
ولاني سامع فيه الملاما = ولو قاسيت من بعده روازي
مزج حبه بلحمي والعظاما = تملك مهجتي له وين أبازي
أسلي النفس تدليه الفطاما = عسى لي أو لعل يحصل مفازي