يا مرحبا حييت يا صاحب الوفا=يا عزها يا نورها وافتخارها
يا مرحبا حييت يا الشيخ زايد=واعداد ما يقفى الليالي نهارها
واعداد ما يمشي على الارض بالقدم=واعداد حصبا في ذواري زبارها
واعداد صيد راتعله بجده=واعداد ما خبت نجايب ابكارها
وشعبك يرحب بك على واضح النقا=واللي كبير السن واللي اصغارها
شعب يباشر جيتك واتصالك=وعلى الفرح في لمها وانتشارها
ودامت لنا سعد الليالي وجودك=يا درعها يا سورها يا عمرها
والدار تفرح يوم تلفي عليها=هذاك سعد ايامها واختيارها
دار مربيها على الطيب والكرم=وبالله ورايك عزها وانتصارها
ودارك كما عذرا هنوف جميله=وابها الجمال وزاهيه بانتظارها
وتهواك يوم انك تلبي طلبها=وعلى الوفا والعز تظفي خدارها
واللي اشتكت من زود هم وضيقه =ولا عاد عقب الضيق غير انفجارها
واتمشكلت واتصعبت في طريقها=وحار النظر في سيرها وافتكارها
زايد يوزعها بعزمه وفكرته=وترتاح به لي ضاق مبنق ازرارها
ومن ساس حكام على عصور وايل=سجلها تاريخ يوم اختبارها
واهل الكرم والجود واهل المعزه=واهل الشهامه ما شكا الضيم جارها
وفعله على بدع المثايل حدني=وانا عليه عدها واحتضارها
وابغي يلي عرضت على عارف=يفهم على دستورها واعتبارها
واختامها مني صلاة على النبي=اعداد من وصل المساعي وزارها