ويقول من يبدع بيوت ولف=ويختار في الأمثال لي من بغاها
خذ ما تخير من جميل ووافي=وينظم بيوت عادل مستواها
ومن عقب ذا قلط سلام وتحيه=تحيات نصح وظمنها من حشاها
وسلام وترحيب وتفسير عارف=وتراحيب صدق قالها من هداها
ويا مرحبا حييت يا الشيخ زايد=نور البلاد وسترها من عراها
ويا مرحبا اعداد ما خط بالقلم=وعد الحروف وعد من هو قراها
واعداد ما هبت نسيم من الهوا=واعداد عود عم الارض وكساها
واعداد من يركب على اكوار ضمر=عراميس حيل زرفلت في خلاها
واعداد ما مرت اشهور وليالي=وانجوم ليل ساريه في سماها
واعداد من صلى فروض ونفايل=واعداد زوار لمكة نصاها
وبا مرحبا حييت يا الشيخ زايد=زايد حجاب الدار واهوه ذراها
وداره كما عذرا هنوف جميله=اللي كساها سترها في صباها
وشامت لزايد واطمحتله وغنت=وابها الفرح من نور عز كساها
وصاب الهدف من هو مسميه زايد=وبعض الأسامي كونت في قداها
وزايد على من زاد زادت اشبوره =وبيوت رايات المعزه بناها
ومراقبه عليا له عزوم وشيمه=حلال صعبات المشاكل فتاها
ولا كل من يبغي الرياسة حملها =ولا كل من هاز الطويله رقاها
حريص على النصحان والحق واضح=كما الشمس واضح نورها في ضحاها
وعطوف على شعبه كريم بمده=ونفس سعت بالحق تعطى رضاها
وفضله علينا من قديم وتالي=وانشاف خلات علينا رفاها
وياما رعينا من ديار نجيبه=لتذور هاملنا ولا حد قذاها
ونرعى بحفظ الله في ظل زايد=وترتاح به نفس احدوده وراها
وهذا وصلى الله على خير هادي=مبدا النشيده واذكره منتهاها
شقيع لمن هو يتبعله ويذكره=نهار اشهود النفس تكتب جزاها