وقال الذي ينظم تماثيل قيفان=ويختار في الأمثال لي فك بابها
وحداني على بدع التماثيل نيشان=وحريص على تعديلها وانتسابها
وسلام ترحيب وقاف وعنوان=وتحيات صدق دارسين عرابها
تراحيب مضمون على بر نصحان=وزود على المليون طايف حسابها
ويا مرحبا حييت يا نور الأوطان=يادرعها يا ضلها يا حيا بها
يا بو خليفه زايد ولد سلطان=نال المعزه فخرها واكتسا بها
وله راية يشهد بها عالي الشان=وله سمعة بالخير كل درى بها
وحكم على ساس وعز وبرهان=وعلى الحق مسيور القدا في صوابها
والشعب لبى له طروب وفرحان=والدار تلبس مازها من اثيا بها
وغنى لها الطير الخضر فوق الأغصان=دار يعدل كل يوم جنا بها
وانتم حمى للدار من كل عدوان=وكم خصيم ساق نفسه وهابها
وافعالكم سابق عليها نهيان=عزوة قروم سمها في انيابها
حكام وان ركبوا على الخيل ظفران=سيوف الهنادي مرويين انصابها
واهل سربة تركض مع كل ميدان=وتدعس مخاطير البلا ماتها بها
ون قبلت يرحون لها روس الأرسان=وان دبرت يحمونها من عقابها
وهذا كلام الصدق ما ني بغلطان=وتاريخهم يشهد عليها اكتابها
صلاة ربي عد فجر يلى بان=واعداد ما هل المطر من احقابها
على رسول من نسل ساس عدنان=أدى الامانه والفريضه مشابها