وقال الذي ون قال عرب مقالها=بيوت قاف فسرها من نحورها
ويختار من زين المعاني جزالها=ويحرص عليها من كلام ايبورها
ابيوت قاف بنيها واعتدالها=على الصواب وكلمة الحق نورها
وتفهم لها العراف لا جا مجالها=من دون لا ننشر صحايف اخبورها
ويكفيك يا عراف مني سوالها=يا فاهم تفهم معاني عبورها
والحمد لله دارنا طاب فالها=وفي كل يوم وسعدها في بشورها
وطير السعد غنى لها وانتحالها=مزارع تدفق عليها انهورها
ونزح سديد الراي عنها ارمالها=جنة نعيم منورات ازهورها
ويا كم وفد من بعيد عنالها=وساقه غرام الشوق قصده يزورها
وكنها هنوف فايقه في جمالها =والعز والناموس لفحة اعطورها
واتخيرت زايد على شف بالها=هو عزها وهوه ذراها وسورها
وعن الشمس واللاهوب زايد اظلالها=وعن العرا مضفي عليها اخدورها
ويبذل لها المجهود منشان حالها=وشيد لها فوق العوالي اقصورها
وملجا الضعيف اللي شكا من اثقالها=حاديه من ضيم الليالي اعسورها
وزايد كما غيث تسوقه اخيالها=وبله حشود في وسامي ابكورها
وزايد كما عد يصدر انهالها=وبالحلم والتفكير غايض ابحورها
وان ثقلت وزن الحمول ارتكالها=بعزايم وقت الشدايد صبورها
وحلمه وسيع وعز منهو عنالها=بالفكر معطي كل عين ذرورها
باز تعلا في رواسي اجبالها =وتحته تهاضلعه نوادر اصقورها
وعلى القدا والحق فيه الرضا لها=وعلى الخطا والميل زرم نكورها
ومن جاه بالحسنات يشرب ازلالها=وتباشره بيض الليالي اسرورها
ومن جاه بالحيلات ما عاد نالها=وشكا الضيم من صرف الليالي وجورها
وافعال زايد ما حصينا كمالها=واتعذرت لقلام جفت احبورها
وفي حمايته نرعى جنوب وشمالها=ولا تصاع هاملنا ولحد ايذورها
وهذا ولا يوجب علينا اهمالها=وكل يقوم بمهمته يوم دورها
والأم تطلب حقها من عيالها=ولازم على من كان ناصح برورها
وصلاة ربي في تلايا ارسالها=أعداد ما هلت مخايل امطورها
على النبي لي قام باحسن اعمالها=شفيع لمه في نهار امحضورها