سميت بسم الله علام لسرار=فرد عظيم الشان عالي مقامه
بمره جميع الكون والفلك يندار=وسايق سوال اللي عليه اعتصامه
ونقلط الترحيب لك سر وجهار=يالقايد اللي قدت راس الزعامه
يا فاعل المعروف يا لوالد البار=وساس المعزه والكرم والشهامه
وزايد على اسمه زاد بالفعل والكار=رجل المعرفة والوفا والكرامه
وطموح للعليا على الكود صبار=والطيب والناموس غاية مرامه
ونعد للأبطال مجد وتذكار=زايد لزيم المجد ذروة سنامه
وله في طريق الخير درب ومعبار=ومن يفعل المعروف يلبس وسامه
وملجا الضعيف اللي من الوقت محتار=حمله ثقيل وجاير الوقت ضامه
رجل العدالة كف يمناه مدرار=وغيث ورحمه للعرب باهتمامه
وريف اليتيم ومكرم الضيف والجار=باعه طويل وطايلات علامه
ويا مرحبا حييت يا بهجة الدار=لي جيت من عقب السفر والمتامه
ويحفظك رب البيت من كل الأضرار=وعمرك طويل ايدوم والرب دامه
ويا مرحبا عشرين مليون مليار=ترحيب ما تحصيه روس القلامه
واعداد ما ينزل من الغيث مطار=واعداد عود تاه واكسى العدامه
واعداد قصاد قدا البيت زوار=واعداد من صلى الفريضه وصامه
وعد الواري لي نعيمات واصغار=واعداد مانود يذعذع نسامه
واعداد مارف الجناحين بطيار=طيور الفلا وطيور عين اتهامه
واعداد ما حيا على الأرض قد سار=على اركاب يسير والا لقدامه
واعداد ما خبت عراميس وابكار=في ساحة الميدان يوم ازدحامه
وصليت لي ركعات في وقت لسحار=يوم كل شخص غافي في منامه
واطلب كريم والرجا فيه مابار=واشفاك يا زياد على الله تمامه
وعساك معفاي من الشر وامجار=وعساك في باب العفو والسلامه
وهنتلك الاسلام من كل الأقطار=وكل يعبر من ضميره كلامه
والناس تدعيلك من صغار وكبار=حتى الرضيع اللي نطق في فطامه
وحتى البهايم والصحارى والأشجار=تشهد لك ابحسنات يوم القيامه
ويحفظك والي العرش من كل الأشرار=بجاه الرسول ورايته واحترامه
ويقولها المختار في نظم الأشعار=والقاف ما يصعب عليه التزامه
وحيكم عرف وفي التماثيل بيطار=ومقلط قبل القصيدة سلامه
واتلى الكلام اختام واثنيه تكرار=وعلى النبي صليت تالي ختامه