تصدّق ما بقى له شيّ في بالـه مـن الأفكـار=عجز يخفيه في صـدره كـلام الحـق ويلمّـه
عجز يقطف ورود الفل ويظلـم وردة النـوّار=لاجل ما يكسب الآذان يطري لـه ولـد عمّـه
إذا ما عاش ليله ليل ولا عـاش النهـار نهـار=ليا صبحه غدى ليلـه ونـور الصبـح مظلمّـه
واذا ما عاش مستقبل يعيـش اليـوم بالتذكـار=يعيش الحاضر الماضي يهمّه بـس مـا يهمّـه
يمقراطي يعبّر عن كلامـه عـاش باستقـرار=يـومّ القلـب لافكـاره واذا ومّ الفكـر ومّـه
وانا ما جبتها لك سحب إلا في سمـا الأمطـار=سحابٍ لا بغى يمطـر دموعـه إندفـق دمّـه
سحابٍ من دموع الموت هالك يروي الأنهـار=روى نهره ونبت وردٍ عجز يقطف ولا يشمّـه
جبل صامد قوى عزمه كبر حتى بـدى ينهـار=عقب ما كان في العالي تهاوى من على القمّـه
بدى يصغر يالين أصبح حجر يلعب بيدين صغار=تبعثر والطفـل ينثـر حصـاه ويرجـع يلمّـه
نصيحه قلتها إحـذر تعاكـس جـارف التيّـار=صعب تامّن في بحر الوقت لاموجـه ولا يمّـه
ونصيحه لا تذيكا لك على ناس اذكيـا شطّـار=ترى بعض البشر تحسب بلا روح وبـلا ذمّـه
وانا لا ما عليّ الاّ أقول الحـق مهمـا صـار=تريد الحق خذ قولـي ولا تاخـذ ولـد عمّـه
أنا قلت النصيحه لك واعيد الدار غيـر الـدار=وافاعيهـا تريّـا بـس لحظـة غـدر وتسمّـه
أنا ما جبتها لك سحب إلاّ في سمـا الامطـار=واذا زمّ البحر موجـه لـك الله ردّهـا زمّـه