يمين الله يميـن الله عقـب مـا ضجّـت الوديـان=بامدّ غْصون عذري قبل تثمِر بالذنـوب غْصـون
أنا باستغفـر الله وارجـع اتعـوّذ مـن الشيطـان=قبل لا ابدا الكلام وقبـل ترجـح بالكـلام وْزون
قبل أعزا العَرَبْ واعزف سنين اللي خبرها كـان=أقول اش حال نخوَتْنا وحال اللي رضوا بالهـون
عـلام قْلوبنـا شَتَّـى وبيـن أفعالـنـا شَـتّـان=تخالَف فكرنا حتى ضحَـك مـن حالنـا شـارون
تسنّمنا الخلاف بْـداجْ ليـل وصبحنـا مـا بـان=عن ايّة صبح نتكلّـم مـا دام أن الطريـق ظْنـون
سراب الظنّ يغري بس يـا بعـده عـن الظميـان=!ومن يتبع سراب اللال ظنّه وش عسـاه يْكـون؟
ومن يتبع سـراب الـلال ظنّـه يـورِدْ الغـدران=مِثِلْ من يطلب مْن الموج في عِز العواصف عـون
غريبه كيف حاضرنا غدا مـن حاضـره حيـران=وإذا منّا ذِكَرْنَا لي مضى صـار الكـلام شْجـون
ذِكَرْنَـا عِـزّ ماضينـا وضـاق بْدمّنـا الشريـان=وضاق البحْر بِدْمانا وضـاق بْنـا وسيـع الكـون
جرى دَمّ العَرَبْ من مغرب (المغرب) الين (عْمَان)=من (المغرب) الين (عْمَان) ضاقت بالعتاب حْضون
غدا صنع الدهـر فينـا صنيـع السيـل بالعيـدان=بلَغ حَدّ الزبى وارّث بنا من كل صـوب طْعـون
تقلّب يا دهر مـا بيـن زيـف القـول والكتمـان=كما الأفعى تقلّب بألف معنى وألْـف لـون ولـون
عِراق المجد ما تطوي مشارقهـا سمـا النسيـان=ولا والله ننساهـا ولـو بعْـض العَـرَبْ ينسـون
نحبّ أرض (العراق) ولاجل أهَلْهَا يرجح الميزان=ويهتف باسمها ركْب الشعوب اللي غدوا يسعـون
سعوا من شرْقها للغرب يرثـون العَـرَبْ ركبـان=غريبه كيف حتى الغرب لاحوال العَـرَبْ يرثـون
شعارات الوفا طاحـت بيارقهـا علـى الشطـآن=على شط (الفرات) و(دِجله) انهارت كبار حْصون
على نارين نـار الحـرب والفتنـه لهـا نيـران=جرت بين القلوب ونوّخت في حاضـرة هـارون
تشتّت شمْل من كانوا علـى درْب الرخـا خِـلاّن=يجـدّم بعضهـم قولـه وردّ البعـض منهـم دُون
ولا يقـدَر يلـمّ الشمْـل غيـر القايـد الـربّـان=حكيم الراي له نرضى وبه كل العَـرَبْ يرضـون
قدَر يجمع شمِل هذا الوطن من سالـف الأزمـانولازالـت بـلاده بالمكـارم قدْرهـا مَصْـيـون
بعزمـه وحّـد بْـلاده ورَدّ بْحزمـه الطمـعـان=وثبّـت منهجـه بالحـقّ والدستـور والقـانـون
تسامَـت بـه قوافينـا ومالَـت بالقصيـد ألحـان=بذكر اسمه تسامَت وافصحَت عـن درّه المكنـون
سمـوّ الوالـد القايـد نَعَـمْ زايـد ابـن سلطـان=نَعَمْ زايد نَعَـمْ زايـد بذكـر اسمـه تقـرّ عْيـون
نَعَمْ زايد نَعَـمْ زايـد اهـو اللـي شيّـد البنيـان=وعلاّ للسما صـرحٍ تضمّـه راسخـات رْكـون
مواثيقه على العدْل اشهـدت باسـم الله الرحمـن=وراياته علـى متْـن السحـاب وجانبـه مامـون
على مَدّ النظـر مـدّة يمينـه مـا يـردّ إنسـان=ولا ضيفـه يـردّ إلاَّ وعنقـه بالثـنـا مَـدْيـون
وَلا قلت الجديـد إن قلـت جـوده وَرَّدْ العربـان=صفات الجود له تشهد وبـه كـل المـلا يـدرون
مزونه ما تميّـز مـن كَرَمْهـا ظامـي ورويـان=وإذا هلّت تسوق بْطيبهـا مـا لا تسـوق مْـزون
وإذا للفخْر داعي نحن نفخـر بـه رفيـع الشـان=وإذا للدار داعـي كـل منّـا حاضـر وممنـون
يميـن الله يميـن الله متـى مـا ضمّنـا الميـدان=لَتلقى فعلنـا مـع قولنـا باسـم الوطـن مَقْـرون