سرى فكري وانا (فزّاع) والدنيا بهـا ضَجّـه=واظنّ ان الشِّعِر هاليوم يبى يقضي على حاجه
سرى بْليلٍ وفي بحرٍ يعانِـد غـزره وْلجّـه=يقاوم جرّة التيّار ولـو تطمـي بـه أمواجـه
بحور غْزار يبغيها لأصعـب دَرْب متوجّـه=يبى روس العلا وْيقدر على صعبات اْلِمْواجه
يطول الدرب كم بيطول وحرف القافيه غَلْجَه=ولكن يقدر ان يبني بيوتـه تصبـح أبراجـه
على وصف الجميل الفاتن الساحر لنا حِجّـه=مادام الحب هو ليل المتيّـم أو هـو سْراجـه
عنودٍ رمشها سَلْهَـم وعيـنٍ ناعسـه دَعْجـه=وخدّ مْـورّد ومِنْـوِر طبيعـي دون مكياجـه
ووجهٍ من سنا نوره على البَهْجه ضفى بَهْجه=مزونٍ غيثها البسمه ليا من تضحِك حْجاجـه
وميدولٍ على متنه كمـا داج الدجـى هَجّـه=على عودٍ كما قـزّ الحريـر الناعـم انتاجـه
جميل وكل ما فيه الجمال سْكوتـه وهَرْجـه=واذا للزين منهـاجٍ حبيبـي الزيـن منهاجـه
أهو تاج الجمال .. إلاّ مداه اللي تبَـعْ نهجـه=وانا اشهد بانّ حِسْن الفاتنات لْصاحبي تاجـه
تصدّق من كِثر حِسْنِك تصيب بعالمـك رجّـه=ولي تبغي له احراجٍ بحسنك تملِكْ احراجـه
حبيبي لا تلوم القلب ، لوم عْيونـك الدَعْجَـه=بها حاجه ولا ادري وش بها لكن بها حاجـه
دخيلك يا هوى بالي حبيبك في الهـوى نَجّـه=ترى حبّك سبب همّه وصدّك سبّـة ازعاجـه
واذا المطلوب مِ الخَفّاق منّي يطلب الرِفْجَـه=ورِفْجَه مـا أردّه دام هـذا القلـب محتاجـه