يا شيخة الغيد قال الشاعـر مـن الشعـر=قصـيـدة تـذهـل النـقـاد بأوزانـهـا
شعاع شمس الضحى يغري غصون الشجر=ما الومه البلبل ان غرد علـى اغصانهـا
يا مدعيـن الفخـر هـذي سنـام الفخـر=غرام ابوهـا الكريـم وعـزوة اخوانهـا
خلوني اعزف على وصف العزيزة وتـر=الـي كـن العـز يستوطـن بفستانـهـا
هل تعرفون الخبـر أو تجهلـون الخبـر=السحـب ترسـل تهانيهـا مـع امزانهـا
البنت هـذي عـروس البـر ولا البحـر=الشمـس تشـرق أشعتهـا علـى شانهـا
بنت سحرني غلاها ليـن قلـت السحـر=فـي نظـرة عيونهـا او بيـن وجدانهـا
فيها يطيب الغلا والوصف حتـى الشعـر=تطرب بيوته علـى لحـن مـن الحانهـا