شوقي حمايم والغنـاوي ربابـه=غنت على لحن الربابـه حمايـم
يا صاحبي بعض النوايا تشابـه=والفعل يفرق بين بايـع وسايـم
ياللي حبيبك فيك زايـد عذابـه=دايم على باله ولـو كـان نايـم
قربك سعـاده والمفـارق كآبـه=مشاعرك ورد وغرامك نسايـم
عزمت قلبك للغـلا والرحابـه=لو كان ما بين الحبايب عزايـم
لو خافقك يفتح لـ( فزاع ) بابه=لقيت قلبه عن هوى البيض صايم
ولو أن أحاسيس القلوب تشابـه=سمحت لي كل الذنوب العظايـم
القلب لك روض خضر ماوطابه=إلا غلاك اللي أحييه ... دايـم
اعذر حبيبك لو يطـول غيابـه=من طول الغيبات جاب الغنايـم