يابوي رمز المجد والعز والديـن=والمرجله والمقـدره والشهامـه
اللي طغى ذكرك في كل الميادين=زعيـم كنـك منخلـق للزعامـه
لو قلت كفك غيث كل المساكيـن=إخضرّ غصن وغرّدت لي حمامه
وسمعت أصوات العرب بالملايين=تقول عز الله صدق فـي كلامـه
من ألف وتسعميه وثلاثه وسبعين=وللعام هذا وانت رمـز الكرامـه
من الخيج العربي لآخر الصيـن=والمجد في صدرك معلق وسامـه
لو قلت يا (فزاع) رايح على وين=باقول مدري غير فكري ما دامـه
متوجهٍ لك يـا حفيـد السلاطيـن=بحاول انه يرتقـي فـي مقامـه
انا مسوي لي قصيده في عشرين=بيت ولك في كـل بيـت علامـه
ايامنا يا طيـب الـراس يوميـن=يـوم ولدنـا بـه ويـوم القيامـه
والفهم يطغى في عقول الفهيميـن=على التعنت والجهـل والغشامـه
الناس منقسميـن يابـوي قسميـن=والكل منهم مختلف فـي نظامـه
والاستقامه درب ماهـو بدربيـن=والمستقيـم يـقـدر الاستقـامـه
والشين كل الزين في محجره شين=ومن التشاؤم يبتلش فـي منامـه
وما كل دمعه عين تنزل من العين=سميتهـا نسخـه مـن الابتسامـه
اخترت لك باقه شعر من بساتيـن=فكر تحت ظلـك رقـى للغمامـه
والشعر ماهو ينحصر فـالدواوين=الشعر بقى في القلوب احترامـه
الا انت وين وين من نافسك ويـن=يا عاتق المجد الاصيـل وسنامـه
لو قالو الاهرام ورث الفراعيـن=تراك ورث المرجلـه والشهامـه