عزمت أعَزمْ ومن عَزمْت عَـزمْ بـي=عَزام عَزم يقول الشعـر واعـزم بـه
حيّيت ركب الحيا ممّا حـوت سحبـي=يا حَيّ به عد ما حيّـا الحيـا ركبـه
الشعر عشق القلوب وْشَاعِرِكْ شعبـي=ما يعشق الشعر لى ما يشعِـرْ بْشَعبـه
وانا بْنبـاك ونبـا مـن نـاب متنبّـي=أنبيـك واللـي ينبّيـك النّـبـا نـبّـه
كلامك أحلى من السكّر علـى قلبـي=عِيْده على شان أعيد العيد مـن حبّـه
لاجله جنيت الجمان وجيـون الغبّـي=أدلج لاجل لجّ داجي تنجلـي حجبـه
بانشدك عن شاردٍ تنشا بـه السحبـي=أوّله عندك .. وتالي رمـزه أوّل بـه
تحسِبْ حسابه مع انّه من سحب حسبي=ويحاسبونك عليـه وحسبتـه صعبـه
والعزم عزمك واذا عزّمت عَزّمْ بـي=واعزم من اعتاز لك عزّه وعـزّم بـه