يا (أحمد)خفوقي غدا فـي يدينهـا لعبـة=لعب الهوا في غصون الـراك لا مالـت
و هي في قلبي تمركز في طرف شعبـه=وذكرى غلاها ليا ذا الحيـن مـا زالـت
قولـوا لمحبوبتـي نفـس العنـا تعـبـه=وان قلتوا إلها .. أبا اعرف إيش هي قالت
إلى متى هالخفـوق يعيـش فـي رعبـه=وشلون يركد شعـوري و الغـلا فالـت
الحب حاكم طغـى ظلمـه علـى شعبـه=و النفس تشكي على ظلمـه ولا احتالـت
يا بنت أنا صعب ودموعي بعـد صعبـه=من قو عزمي ليـا ذالحيـن مـا سالـت
إن كنتي الزين مـن راسـه إلـى كعبـه=نفسي لحـب المكـارم و العـلا نالـت
الله يحـرم عذولـي شـوفـة الكعـبـه=ياللـي يدينـه إذا طـال القفـا طـالـت
لو كل مـن شافـت عيونـي تولـع بـه=ما صرت كني في غصون الراك لا مالت