فز الشبل من صكّت الحلقه على الابطـان=يوم الشجاعة تنهـزم وتزلـزل الابطـال
يومٍ تخربـط يـا عـرب تتغيّـر الأوزان=رد الشبل في زمجره متحـدّي الزلـزال
فزّ الشبل (أحمد) بقـوّه ترعـب الميـدان=وذاك الأسد قايد يحـرّك بيـده الأشبـال
وقام التحدّي في جبـالٍ خوّفـت فرسـان=و(احمد) بعزمه إنفرد وابعد شرات اللال
لا ما يهمّه صعب كل الصعب تحته هـان=والنصر ما جابه صدف جابه بطولة بـال
يخضع له الفوز بفخر من سالف الأزمان=تاجي وعزّي ومنهجي، يا غيثـي الهمّـال
شيخي وابوي (محمّد) اللي للنصر عنوان=في عيونه يبان التحدّي والصبـر وآمـال
واحمد تعلّى واعتلى هو فـارس الشبّـان=في عيونه يبان التحدّي والصبـر وآمـال
أنا اشهد انّه عاش ع صهوة فرس وعنان=ولا يْبيّن الرجّال كود ان كان ابن رجّـال
ولا اظن بان السيل يجري دونه الوديـان=وحنّـا إذا قلنـا تـراه أقوالنـا أفـعـال
مازان هو بالفوز والله الفوز باسمـه زان=يختال هو بالفوز.. لا إلفوز بـه يختـال
المجد كل المجد من (أحمد) بنى له شـان=والعز كل العز من (أحمد) خصالـه نـال
ما خاب ظنّي فيه يوم الصبح نـوره بـان=الصبح يفرح يوم شاف (احمد) بخيله صال
له غنّت حروف القصيده باعذب الألحـان=والنعم باحمد قلتهـا والحـق بـه ينقـال
فارس ابن فارس إذا قالـوا فـلان فـلان=أحمد بن محمد ابن راشـد ياحـيّ الفـال
يومٍ عزيته فزّ قـال انّـي أخـو حمـدان=أنا اشهد ان الفوز باهدي لك على كل حال