يموت يْموت لي فاتِك وتحيا لك عـروق جْـداد=غريبه كيف يا (محمّد) بنفس الروح تحيـا لـك
علـى الله مابقـى إلا أخلّـي العقربـي يعتـاد=على ليلي لعلّ الليـل لـو مظلـم بيصفـا لـك
مزون وْبرْق سحّاب ومطرها في سمـا رعّـاد=تشوف مْزون تمطِر لك غـلا لكـن تهيّـا لـك
علوم الوقت تاخذ من علوم النـاس قـل أو زاد=تضيّعك بْهواها ثـم تضحـك لـك وتلجـا لـك
زمانٍ مَرّ في الدنيا علـى (عنتـر) ابـن شَـدّاد=يا (عنتر) ما اعترفنا بك ياْليـن اثبَـتّ بافعالـك
يا كم واحد على خيله يزرّ شْـداد فـوق شْـداد=يزرّ ابطانها والفـذّ يضحـك والضلِـع هالـك
يقولون أعلى ما بالخيـل تركبهـا عنـاد عْنـاد=وانا اقول أعلى ما في الخيل في بالي وعلى بالك
أراضي واسعه تجذبْك وانته مـا لـك إلاّ بـلاد=بلادٍ عِرْقها عِرْقِـك بالاحـرى عمّـك وخالـك
عرفنا (كسرة الوادي)، ولكن لو يفيـض الـواد=نصنّـع لـك مساييـلٍ تركناهـا وْسمَحْنـا لـك
نحِن لا من بغينا الشـيّ صرْنـا للسنـاد سْنـاد=نحِن مَدّك نحِن جَزْرِك نحن بَحْرِك نحِـن فالـك
نحن منّـا الكـرم منْبَـع ويـا كـم بابنـا ورّاد=نحن لو جيتنا ضيـفٍ قبِـل تدخـل وقفنـا لـك
يموت يْموت لى فاتك وتحيا لك عـروق جْـداد=قبل تنْشِد عن احوالي أقوْلّك إنـت وش حالـك