لك حروفي قصيد ولك قصيـدي شعـور=ولك شعوري خفوق نبضه الحَـيّ إنتـي
ولك غلا في صَميم الروح حَاضر حضور=واشهد انك بقلبي وْلا عـن العيـن غبتـي
يا سَنا الكـون كلّـه والعواطـف بحـور=يا ظيا العين ياللي فـي وَسَطهـا سكنتـي
يا بَعَد كل من لـي يـا أريـج الزهـور=يا أعذب حروف تظهر في كلامي وصمتي
يا شعاع تحلّـى وْلا علـى النـور نـور=بس ما غير نورك يظهـر ليـا ظهرتـي
ويْا مـلاكٍ خلقـه الله لعمـري سـرور=وش تفيد الحيـاة بْيـوم لا مـن زعَلتـي
أعتذر لك ياعمري ولو بعـذري قصـور=وانتي قدرك عَ راسي وْلا حشا بيوم هنتي
إبسمي يعـل ربّـي يحفظـك م الشـرور=تبتسم لي حَياتـي وقـت فيـه ابتسمتـي
ان زعلتي عَلّيـه كـن كونـي مهجـور=وان رضيتي تسابـق ابتسامتـي فرحتـي
إنحنَتَ لك قصيـده ساجـدة ع السطـور=كثر ما انتي بمَكه يا اطهر النـاس طفتـي