لا تقول الحب فـي القلبيـن مـات=هذا توّ الحـب كيـف انّـه يمـوت
ولا تقول ان الشِّعْـرِ ليـل امنيـات=وانت توزِنْ بيـت وتكسِّـر بيـوت
الشِّعْرِ نبـض القلـوب الصادقـات=كم رفعنا به على طاريـك صـوت
لا تخلّينـا علـى بحـر السكـات=الكلام أحيـان أفضـل مِ السكـوت
خَل ما بينـك ومـا بيـن الوشـاة=(مثل ما بين (الرباط) و (حضرموت
دامنـي لجلـك نـذرت المقبـلات=لا تخيِّبْ لـي ظنـون ولا نعـوت
خِذْ مشاعر قلبي الصـادق وهـات=ودّ صادق واحذَرْ أقوال الشمـوت
احْذَرْ احْذَرْ والدهـر لـه نايبـات=واحْذَرْ انت تطيح شَبْـك العنكبـوت