لعب الزمن ما هو مثل باقـي العـاب=إلعب على كيفك واذا تـروم لا تْتـوب
بَيْجيك يـوم وْتندفـن تحـت لِتْـراب=عقب الدفن بَتْعَرْف وش يعنـي لْعـوب
لو نك فَتحت أبواب لـك غَالـقٍ بـاب=ولو نك تعرف العيب العيب عَـذروب
بديت أكتـب واجلـب كْتـاب بكْتـاب=آخـذ معَانيهـن واخلّيهـن بْـصـوب
إذا الشِّعر يا ناس قِدْ جاب مـا جـاب=وان جاك شِعري بالفعِل جَاك مَكْتـوب
هذا وانا أرقـى علـى كـل مرقـاب=أسري بليل الضدّ من فـوق عَرقـوب
هذا وانا أشّر وهـي تطيـر أسـراب=بيض الحَمام تطير مـا تحمـل ذْنـوب
هذا وانـا تايـب وإبليـس مـا تـاب=هذا وانا أنعَـت وهـو ضَيّـع دْروب
هذا وانا أضحَك وهو يضحـك بْنـاب=ثوبي ستير وصاحبي عَـاري الثـوب
هذا وانـا اعـدّ الخَطـا عَـد لِتْـراب=ينعد كيف انعد وهـو كـان محسـوب
بعض البشر تحسب على كيف الاسباب=وبعض البشر من دون سِبّه ومطلـوب
كلٍّ يحَسْب احساب وآنا احسب احساب=وْكلٍّ يجي باسلوب وآنا لـي اسلـوب
بَابٍ فتح مـن بَـاب والبـاب كَـذّاب=بَابٍ إذا يفتـح تـرى البـاب مَكْـذوب
هذا وانا اغنّـي وانـا اقـول سَحّـاب=سَحّاب يَمطر صوب وانا أمطر بْصوب
مثل العروق تجيس وتـدق الاعصَـاب=أو مثل سَاحِر طار في الجو مجلـوب
من هو يأمِّن يمشي بْليـل فـي غَـاب=بعض العَسَل يا صاحبي سَمّ مَشْـروب
هذا هَدفيه صبتـه وْصَـاب بصـواب=صوب الذي صَوَّب ولا صاب مَصيوب
بحرٍ غزيـر وْطامـي البحـر عَبّـاب=ونَارٍ تطَفّي نَـار مـن حَـرّ لاهـوب
حَـدٍّ عليـه عيـون والنـاس رقّـاب=وْحَدّ اختفى لو كان بالحيـل مَرقـوب
حَدٍّ يشلّ سلاح وْحَـد شايـل حْـراب=حَدّ يعشق شْروقٍ وْحَد يعشق غـروب
حَدٍّ يشيل الهَم في ضَـرب الاصحـاب=كل من ضَرب في يوم له يوم مَضروب
أنـا معَـادِل آخـذ الحُـب لاحبـاب=وْكلٍّ يحب الطيب .. الطيب محبـوب
قالوا سَهَـل إنّـي أنـا أفتـح البـاب=وانا هويت الصعب لو دارت حْـروب
لعبَه وانا ألعَـب علـى كـل الالعـاب=طبعي أنا غَالـب ولا آكـون مَغْلـوب