شكواي (بو فارس) على اللي سرَقْني=دامك خبيـرٍ فـي أمـور الجريمـه
شَخْصٍ أخَذْ قلبي وْصَـدّ وْهجَرْنـي=مـن بعـد مـا كِنّـا نديـم ونديمـه
زَور ملفّـات الغـرام وخدَعْـنـي=بعد الأمـور الواضحـات السليمـه
وافي أنـا بْحبّـه ولكـن صدمنـي=والله يا (ضاحي) صَدْمتي به أليمـه
يامـا جَـرَحْ نـاسٍ ويامـا طعنّـي=وياما نَهَـبْ نـاسٍ وْكـلٍ خصيمـه
لا تقول منّي، لا حَشَا هـوب منّـي=ممنوع أخْـذ الثـار ثـاري لزيمـه
بْكَشْف الجريمه أمنكـم مـا لَحَقْنـي=مجرم ما بين الناس هـذي عظيمـه
باعطيك مـن وصفـه ودوّر وعنّـي=واعمل تحرّي فْ.. كل بيتٍ وخيمـه
كانـك لقيتـه لـى شبيـه الدمنّـي=أبـو العيـون الناعسـات العديمـه
أهو الذي بْحِسْنه يا (ضاحي) غلبْنـي=ولا اظن ترضى لي أنـا بالهزيمـه