من سبوع إلى سبوع ومن شهور إلى سنين=والصبر ماعـاد يقـوى بانتظـار القافلـة
كان يتصبر علـى مستلزمـات المسلميـن=كاد أن يأتـي بضيفـه والجـواري غافلـة
وكل ما غنى مغنـي والقمـر تـوه يبيـن=ثورة الأفكار صـارت كالخيـول الجافلـة
وين ولا وين ولا ويـن ولا ويـن وويـن=وين أروح وباب حظي يـا زمانـي قافلـه
كل ما قلت أفتحه قلت المشاكل فرض عين=و إن قضيت الفرض قلت الفرض بعده نافله
كافل جرحي مثـل كافـل يتيـم الوالديـن=و أنت ما قـدرت دمعـات اليتيـم وكافلـه
والجروح أنواع جرح واضح وجرح دفيـن=لكن أغزر جرح جرحك يالسنيـن السافلـه
يا مقوي الأقويـاء رحمتـك بالمستضعفيـن=ولا تخلـي نجمتـي بيـن النجـوم الآفلـه
ولا تخلينـي مـن الأيـام والدنيـا حزيـن=واعطني طموح شيخ حققه وانضـاف لـه
والدروب طوال وإن طالت عسى ربك يعين=والليالـي مـن خلقنـا بالمشاكـل حافلـه
من عصور الخيل والناقه وسيف مـا يليـن=لين عصـر القنبلـة والطائـرة والحافلـة
الله الـي حطـنـا ســادة عالمتسيـديـن=والرجوله والعدل والحق والإنصـاف لـه