من صغر سني وانـا انظـر للغـلا نظـره رفيعـه=واعرف ان العشره اسمى من غلاك ومـن حنانـي
يوم شفتـك مـن ضيـاع وشفتنـي مثـل الوديعـه=انته بس اللي ضعت فيني وانته بـس اللـي لقانـي
والله ان الضيعه اللـي جابتـك مـا هـي بضيعـه=ضيعة العشـاق شـي وضيعتـي بـك شـي ثانـي
يا غرام مـا استطيـع انسـاه لـو قلـت استطيعـه=يـا كـلام مـن عرفتـه مـا ذرفتـه مـن لسانـي
اشتـر اللـي تشتـري فينـي وبيـع اللـي تبيعـه=مـا التفـت لوجـه غيـرك باعنـي ولا شـرانـي
خـل طعناتـك قويـه وخـل نظراتـك سريـعـه=يعني اضرب اهرب اضرب اضرب اهرب في ثواني
ما انت بأول من شرب صيفـي وعطشنـي ربيعـه=ولا انت بأخر من خذانـي مـن يـدي ولا خذانـي
انت ما وسعـت صـدري لييـن ضيقـت الوسيعـه=كنـك تحطـب الجـروح مـن المحانـي للمحانـي
كل ساعه لك بصـدري رمـح اقسـى مـن تبيعـه=وكل جـرح لـه بوجهـي حـزن غيـر الاولانـي
وكـل ليـل يهـون الا ليـلـة الـبـارح فظيـعـه=يعلـم الله كـانـت اول ليـلـه تـزلـزل كيـانـي
كن رمحـك مـا يبـات الا ورى الحـدب المنيعـه=وكن جرحي مـا يعـرف ينـام ورماحـك تعانـي
ول يا كيد الظبـا مـا شفـت مـن يصنـع صنيعـه=لو زرعتـه فـي حشـاك سنيـن يمحيـك بثوانـي
في زمنـا قالـوا ان منـا طاوعـك الوقـت طيعـه=وانته مثل مثل الوقت قاسـي طاعنـي ولا عصانـي
بس ابيك ليـا عسفـت البعـد واسرجـت القطيعـه=التفـت مـره علـي وحـط نفسـك فـي مكـانـي
انتـه لـو انـي خدعتـك راح ترضـى بالخديعـه=بعتنـي مليـون مـره ... حبنـي مـره عشـانـي
خايـف تحمـل خفوقـي فـوق مـالا استطيـعـه=ويبتليـك الله بغيـري مثـل مـا فـيـك ابتـلانـي
خلنـي مثـل الضيـاع وشلنـي مـثـل الوديـعـه=انت اللي ضيعتني ومـا فـي حـد غيـرك لقانـي
واشهد ان الضيعه اللي جابتـك مـا هـي بضيعـه=ضيعة العشـاق شـي وضيعتـي بـك شـي ثانـي