طيّبت فال الفوز يـا طيّـب الفـال=يا (راشد المكتوم ) ما فيـك حيلـه
الفوز بـك ياعالـي الشـان يختـال=والفوز يرغب كـل راعـي طويلـه
مبروك ما دنّت لك مـزون الاقـوال=ومبروك ما غِظْت بْمزونـك مخيلـه
يا زاكي الجَدّين مـن عَـمٍّ وْ خَـال=يا بدرنا اللي في الدجـى نستخيلـه
يفداك عَـزم اللـي تمنّـى ولا نـال=يا شـوق ربّـات العيـون الكحيلـه
لك مجد قبل .. وْمجد حاضر ولازال=وامجاد لك في المقبـلات الجزيلـه
يا (راشد) اتْعَبْت المدى والمدى طال=واللي تِبَعْك أتْعَبْـت عَزمـه وخيلـه
كم سقت خيلك بين رملـه وْمِسْيَـال=وشَيَّلتهـا بالحـزم مـا لا تشيـلـه
يا شبل من تفخر بطاريـه الاشبـال=شبل الأسد لي مـا يِحَفْـل الهزيلـه
هذاك لى تَضْرِبْ به الناس الامثـال=سهل التمثِّـل بـه ويصعـب مثيلـه
فـارس يِهـزّ بْهيبتـه ألـف خَيّـال=ظاري على حمل الحمـول الثقيلـه
يدهل بغاياتـه علـى كـل مدهـال=دون المعالـي مـا تـردّه عضيلـه
وانته على درب العلا قايـد أبطـال=والشبل من ذاك الأسد لـه حصيلـه
أشْهَد شهـادة حَـق والحـق ينقـال=إنّك على الطولات ما فـي كحيلـه