هذي مظاهر مثل ريش الطواويـس=عادة طيور وصارت بعـادة النـاس
هذي المسائـل حلّهـا بالتوسويـس=طافت فروخ وصادها اليوم جرنـاس
قال الموصّف لي به الوصف تأسيس=هذاك لي وصفه على العين والراس
أشوف زولك داخل القلـب جلّيـس=لو كان في وسط المعاليـق عكّـاس
هـذي المحبّـه كلّهـا بالأحاسيـس=حس البعيد وحس أقرب من انفـاس
القلب له واحد ولا مـزرة الكيـس=وخلّك تعرف وش حاجة الناس للناس
خلّك بوادي فيه خضـر المغاريـس=توطى على الأخضر ولا تدوس يبّاس
بعض الكلام أحيـان يبغـي تلمّيـس=لمسه تهدّي الروع من لمسة احساس
بين العشق والحب دستـور تدريـس=ولا لا تشبّه لمعـة زجـاج بالمـاس
الشاطـر اللـي يعرفـه بالمقاييـس=يعرف خطاها دون ما يصيبه البـاس
كل شيّ قبل لا يستوي لـه تأسّيـس=يكبر ويكمل كل ساسٍ علـى سـاس
خلّ الغرام يعاتـب القلـب ويجيـس=نبضه على شان الهوى يطرد اليـاس
وتحط في قلبك شرى عرش بلقيـس=من زِين شِعْرك لبّست شعرك لْبـاس
واليوم ليلتنـا تـرى ليلـة خْميـس=والموعد اللي بيننا وقـت الاغـلاس
دايم واحذر توعّـي تختّـل ابليـس=واكتب أخو فزّاع ما بيـن الأقـواس