يا ابن آدم كل ماكنت انظر الجرح العظيـم=مالقيت اعظم من جروح الندم بين الجروح
ويا ابن آدم كل ماقلت الزعامـه للزعيـم=ينتشي بي كبريائي فوق شاهقة الصـروح
والدروب يقودها درب الصراط المستقيـم=واستقامات البشر بين الصراحه والوضوح
والغصون اللي فرحها غير لا هب النسيـم=ماتسأل عن معانـاة الحمـام اللـي ينـوح
ياهل الزور ان حلفتو زوركم وجه الكريم=فاح ريحاً من الكذب والكذب له ريحاً يفوح
يارحيم الصدر ضايق حيل سترك يارحيـم=والدروب طوال واقدامي من اللهفه جموح
اعطني من لدنك التوفيق والعقـل الحكيـم=والعزيمه والمعزه والمراجـل والطمـوح
والقمر يغريني اغني على اللحـن القديـم=ويجذب البراق عيني كل ماشفتـه يلـوح
والقسـاوه للرجولـه والنعومـه للحريـم=ياكثر ناسا تجي في عيني وناسـا تـروح
اكثر اهل الارض خلاني وانا مالي نديـم=يشتكون جروحهم عندي وانا كلي جـروح