دمع الرياض انسكب دمعه ورا دمعه=وأنا إذا ينسكب دمع الرّياض أنوح
وْهَبّتْ رياح قويّة واطْفتْ الشّمعة=وتْرَجَّلْ الفارس الّلي سيّد ومْملوح
يا موت لو تدري عن كَرَمْ طَبْعَه=إن كان يا موت منْهْ تستحي وتْروح
لو كنت تدري لنَاسه عن كثر نفعه=ما كنت بتْوَلعْ قلوب الرجَال جْرُوح
بهم من فهد قْلوبهم يا كبر صَدْعه=وفي نفس أبوه وهَلَهْ والّي مَدْمَعهْ مَسْفوح
وأنا انْتظر منْكْ يا خوي فهد رَجْعَه=طير الفرح بَعْدكم يا صاحبي مذبوح
وين الّذي يسمع بْقلْبهْ قبل سَمْعه=تبْكيْهْ خيله صهيل وْصُوتْها مَبْحُوح
يا بوه سلمان من صَبره ما هوه بالبدْعة=راضي أبوه في الذي مكتوب له في الّلوح