انا البارحه يوم العرب غضت الاعيان =اسال الكريم اللي من الفضل يعطينا
حقاب الي درن رعده هدل النقيان=يوشع خضاره وبالزماليك في حينا
وعقب المسجل نستمع حنة الحيران=خلوج الي يا تالي الليل تضوينا
وبيت مشيد ما يتقى عن الضيفان = ونجر الي من دق صوته يوعينا
وفنجال اشقر ما تقلب له الوعيان= بهيل الحبش لي في المزله يواتينا
أخلى فريجي وانثني صوب بن ذيبان =عسى للوظيفه يا حمد تفتكر فينا
تعوض لنا في ما تقدم وفي ما كان =فيك الكفى وانته من الشعب تكفينا
غدينا اجنبيه والجنيبي غدا سكان =همتنا الشريعه والمكاتب اتمنينا
ولي دجت معهم سنعوني على عثمان= وعثمان من ربع تمثل فلسطينا
حذفنا كما دلو المروين في الجيلان =حذفها لمميح وانهب اليم دلوينا
ولي من بغينا راعي الحق والميزان=الي دون وصله عسكر ما تحاكينا
يسير المبلغ لين ما يوصل البيبان =وعود وقال اتهيدوا هوب ذا الحينا
وقلت ارخصوني بوصل الشيخ يا ظفران = طويل الشبور اللي وصوله يكفينا
قال ارقب المسؤول لا تستوي غلطان =والا ارتجع من غير ذا اليوم باتجينا
رجعنا وقفي وقتنا ما قضينا شان = غدا غيرنا بالاجر واحنا المصلينا