حي الرسالة وحي اللي معنيها=واللي ندبها تراحيبه على بالي
يا نجمة في السما كل يرابيها=يا ظلة الوقت يا شمس الضحى العالي
يا شبرنا يوم كل ما يطاليها=يا ذخرنا يا مطرنا يوم لمحالي
يتنا الرسالة وملزوم نثنيها=وانرد حق الهديههين ورحالي
عاداتنا هرية الطيب نعابيها=والا الردي ما نسوي عنده امسالي
الردي لو زل زلاته نخليها=نسمح ومنها ندير الفكر والبالي
والا الشليين تعجبني مناحيها=أسير مسيارهم واعدل امثالي
يا راكب اللي تشوق عيون راعيها=ما ضاع عنها الحوير عقب مقيالي
امن الفحل في تقايه ما يواحيها=حايل عفى نيها قل التعالالي
يا طارشي لا تهون في مساريها=سلم على بن خزام وخص لعيالي
سلام أحلى من السكر وما فيها=واخن وانوق من العنبر وما قالي
واخير من در بكر في مفاليها=في قونس ما به الشوان نزالي
يا الله يا فارض افروض نصليها=يا مرزق الطير في جو السما العالي
تنظر وطنا وترحمها وتسيقها=وقت الصفاري حقاب ماله امثالي
ييرف بها السيل ويمزر مغانيها=وتسمن به اللي بها قدمه ولهزالي
وتنيع له البدو لي سكان وتييها=يازين زومة ظعنهم عقب وعقب مقيالي
ونشوف من دونه الانفس نعزيها=ماتستمع في وصوله قول عزالي
راعي جعود على متنه يغذيها=ونهود صدره تشابه كب فنيالي
وعيون دعج تعذب من شبح فيها=مع حاجبين تشابه خطة الدالي
وسدف وردف ومثناة تحليها=وجيد كما جيد ريم في خلا خالي
يا عاذل النفس دونه ويش تبغيها=هايم به القلب ما في ذا تجدالي
لو جيش زايد يمركز من حواليها=مالي عذر عن وصاله طيب الفالي
هو دختر النفس علاتي يداويها=هو مطلب الروح منطوقه على بالي
لو تنشرى هريته بالمال بشريها=لكن ما مشتراها الا التمسالي
مره يوافق ومرات يغليها=من حيث لا يشتبه حاسد ويهالي
ما يوز منها وانا والله متليها=لكن شرع الهوى لي عال ميالي
لو ياخذ الحق من نفسه ويعطيها=لا كان ما له علينا شي ينقالي
نحن هل الجود لي وقفت مساعيها=والدين من سلمنا من أول وتالي