قصيدة ( اشوف خطوتهن قصيره )
الشاعر على مصبح الكندي

اشوف خطوتهن قصيره =في سبرهن ما هوب سلكات
اتخلفن حبة شعيره =والدهر حير كل عيلات



قصيدة ( لو شفت خطوتهن قصيره )
رد الشاعر : عمير بن حيي الهاملي

لو شفت خطوتهن قصيره=وفي سيرهن ما هوب عيلات
إلهن بدرب اليود سيره =وانعدهن من لوليات
وانحط للجيد ذخيره =الهن بكسب الفوز عادات
كم اكسبن اشيا كثيره =بالفوز في كل المجالات
وكل تغير في مسيره =وانته بعد بتييك نوبات
بتشوف وقتك واتغييره =عقب السوي بتييك طلعات
وبتييك لفات خطيره =تسليب وقصوف ومطبات
ولبريك لو تسمع صريره =ما ينفعك لو تبدل ايهات
والشيب له عشره شريره = وامخوته ما هوب راحات
عسى ان تالي العمر خيره =يا بو حسن لا تصير شمات
اللي شراتك نستشيره =شاعر ولك في الشعر غايات