رحبت بللي تشل الردف وتييبه=اللي لفت عند ريل من مذاريب
يا مرحبا ع ما فرض نصلي به=نحن ولي يملكون الفرض والطيب
ترحيب ماله عدد تغلط حساسيبه=ألذ واحلى من السكر إلي ذيب
إن كان تشكو من اللفراق والغيبه=وطول المسافه وبعاد ومقاريب
لا باس وإن ما هزرتي فيه باييه=بقرب اللي تضويك المعازيب
وان كان طالت على قلبك مصاويبه=حاضر تراني بحال ومال واثيب
ولا خير في هرجة فيها تينيبه=نهار ما يحضر الطالب لطليب
صبت الهدف وانت من ربع صواويبه=هزرك ثبت يوم طرشت المناديب
والرجل تعرف اسلوبه في مواجيبه=لي عاد خطه مساعف له على الطيب
وان كان تدنيك من وصله حجاجيبه=نرخص من المال ما يرضي الحجاجيب
يطلب وياخذ وحنا المال نصخي به=وكله لعنوة ذلولك في المواييب
والشيب لي ما يخل العقل ويصيبه=ما ينكر بين خلان ومحابيب
أما الصبا يا شفاتي لو نودي به=قص السلاسل ومد لنا الكلاليب
ولا ينكر الشيب في حله وترتيبه=يا رب خيره لنا في الكبر والشيب