يا مرحبا يللي صغيره حواره=اتلت ورا الخلفات في موسم الصيف
هي ميرنا لي يا زمان المياره=ما جن على الاسعار نصبح مواقيف
ولا نشوف فيها من التغذي خاسره=ماعونها يكفي هل البيت والضيف
شمالها بين الفخوذ انحداره=كالدلو غرب علقت بالغراريف
ولي جيت بوصفها من الذود شاره=طويلة النسنوس سبل الهواريف
يا زين عدتها بنابي الفقاره=حمرا تزهيها نقوش الزخاريف
وان ذبن الخلفات خاطي مداره=ما هي من اللي يكنسن فى المهاييف
زعاية ترعي براس الزباره=وان يا زمان الحر تلقط هوا الريف
ذا وصفها لي عاد عندي قراره=ولاخير في وصف على القول ما شيف
في الناس من يمدح ومدحه وقاره=وفي الناس من يمدح ومدحه محاذيف
وفي الناس من نفسه تحب التجاره=يكره إلى كثرت عليه المصاريف
وفي الناس من نفسه تحب الفشاره=يفرح إليمن خالف الضيف بالضيف
والحلو ما تلقى في طعمه مراره=والم لو غذاه بالحلو ما شيف
والحر لو تلقى بنفسه نزاره=نهار الهدد يصبح خيار المواصيف
والتبع لا يغرك بسرعة اطياره=لي لحج يملص لن ماله عواطيف
عندي على المنصوح هذا عباره=وشهود ما هو زود هرج وتزييف