شاقني عقب العشا بارق شفته يلوح=كل ما غضت عيوني بنوم ذارها
يعل تلفينا من العد المدوح=مدهل للذود خلفاتها واعشارها
لوفة صوبه وشراف من قلب سنوح=والتفكر في ديارهم معم اخضارها
ذاك والله منتهايه وكل شي يروح=والمراسيم العفيه إتم اخبارها
يالله اني طالبك يعل لحقاب السفوح=لي يقصف في ارعده في الصفوق آثارها
يعل يسقي دارنا في مواسيم النجوح=عقب طلع اسهيل يوم الوسامي زارها
وكل عد ندهله برح مفحام نضوح=ريح نبته مثل عذرا يبن اخدارها
وتسمن اللي لحليبها ما هي رموح=وان غدت موثاق ما هو يحسر حوارها
محرك البحث
عدد قراء القصيدة : 
تاريخ الإضافة : 
