لي من بغيت القلب يدله من الغيات=تعكب وصارت له مشاريع مطلوبه
يلي قلت وقتك والمهندس زمانه فات=رسوم القلم ماكن بالحبر مكتوبه
عصاني وعيا من هل الود والكيفات=وقال انت عندك ملزم الفرض ووجوبه
تنبه على لفروض لي منك مطلوبات=ولا تنتبه في ترك لي ترفه اينوبه
دقيق المعنق نظرته تبري العلات=شفا العوق لي ضلوا الاطبا عن دروبه
وعيون إليمن خزها فيك ذباحات=كما عين حر تو من الشام مايوبه
لو عين وكري على غاية الهدات=استفصل وهذى قد لها ثانيه نوبه
عسى الله يهيي وصلهم لو بعض مرات=يهون التعكب والتعرقيل من صوبه
عسى بوصلهم يامر لنا والي الخصات=نييهم على سيت أزرق تلمع اينوبه
ولو دونهم رمل حريضي وفيها اخطات=سحاليج حمر ورستة غير مضروبه
انا بنشدك يا فاهم الغطو والهيوات=عطني فسر زنية مشحنه دوبه
وعطني فسر حي إلى من لمسته مات=تستر وغطى من ورا جسمه ابثوبه