قصيدة ( الجماعة )
قالها خلفان بن دليمك الهاملي
وعتيق بن عطشان الهامي
وموسى أحمد الهاملي
يا والله إللي روح عمير يا خلفان=على سيت جيب يقطع البعد والفيه
يماسي به الحيين لعصر لمسيان=يفرح ربوع مشفقين على ضيه
وانا عقبهم تميت في حجرتي حبران=بلي بحشايه عبرة فيه يوفيه
عسى الله ما يقطع رجايه من الخلان=نييهم على اللي تايره هوب حجريه
مترا النشيده هوب مفنودة لانسان=ترى الربع فيها كلهم بالشراكيه
قصيدة ( يا مرحبا بمبقش الخط بالعنوان )
رد الشاعر : عمير بن حيي الهاملي
يا مرحبا بمبقش الخط بالعنوان=على عد ما تنشر من الكم كوليه
وعلى عد ما صلى المصلي يبا الغفران=تراحيب من الخاطر بصفطان وبغيه
لفاني الكتاب وبش به خاطري فرحان =قريت الكتاب ولا إغترتني معانيه
أنا سرت منكم والعذر منكم يا اخوان=طلبت السموحه واعذروني من الييه
أنا أحن قلبي لي توزى على الهجران=على الهجر ما تنلام نفس شقاويه
ولابد لا ييكم إلى كثرت العربان=غدت عندكم نزله كبيره لها غيه
غدا كمكم وقت الشتا مثلما لبنان=سكن في وطنكم بو عيون ذبوحيه
محرك البحث
عدد قراء القصيدة : 
تاريخ الإضافة : 
