وداع الله يا الريم الذيور =يا ظبي الخلا لي ما يصادي
تراك انته ميود من يديد=وانا قدني على عق اليوادي
تدوس الارض بنعال يداد =وانا باقي على من نعالي حوادي
هباب ما يتقيني قليل =الى ما عاد للرمضا زيادي
وغدينا بالحبل متزارين =يلي قدته شبر بذراع قادي
وقال انته ش قصدك باللزوم =أخبرني وبعطيك الوكادي
وقلت انته العدو وانت الصديق=وصح الهرج عندك بالوكادي
ومن وضعه رجع لي وضع غير =وانا لي من يعاطيني رشادي
ألا يا راكب حمرا ذعور =بعد ما حس غاريها الشدادي
تلاعب لحكمه لعب المزوح =ومن ظل العصا تاخذ رشادى
يبيها من القافي حياب =وعرقوب ورصغ له سنادي
وإذنين كشوك المعطفات =وفيه منخر م الفتر زادي
يا راكبها تفضل بالكتاب =ترى منصاك قرم من العوادي
منصاك أحمد الكندي تراه =لرد رسومنا فاهم وجادي
يلي من جيت سلم لي عليه =وخصه بالسلام من البعادي
سلام كتب من عمق القلوب =قلمه العود والعنبر مدادي
سلام ما يقصر عن رفيج =يعم الربع من حاضر وبادي
والا انته سلامي لك خصوص=وعنوة من نقل لكتاب عادي
وتراني ما اشتكي من عسر دين =ولا عينت فى الدنيا مكادي
ولكن اشتكي فرقى صديج =يحد زيني وشمت بي احسادي