يا لافح الشرتا م لمغيب =عريض يتلا مد لسياف
حركت لي قلب بتطريب =شفج على لفنون هزاف
باحسان منك ولا بتغصيب =بلغ سلام وردد ارضاف
مختوم بالعنبر وبالطيب =لي وسط كاس الود ينداف
في خن ساعي سيرها امديب =لي منتخب من عنصر اشراف
راشد رشيد الراى لمصيب =وامدافع الميلات بانصاف
يا من ابسرد الشعر عريب =وابكل ما مخفاي عراف
النفس بدتا مواييب =في لازم واحنا له اشفاف
كانه جنابك صوبها امجيب =منك وبالقضبان نشتاف
ازم لها في الغرس ترغيب =لو كان باتعاب وتكلاف
يمل ابنادم كاد في الغيب =يازم له المطلوب مسعاف
رخصت بارض من عراجيب =طرية نجيانها انظاف
اصخى بها يزل المواهيب =سور المعادي زبن من خاف
سوى الحيا فيها نبانيب=عشب وسدى فوقها الحاف
والنا بها هين مرابيب =رتع ابها من دون طناف
فيهن امبيدات المصاليب =حول ولي بالدر عطاف
وابها تقر العين وايطيب =قلب ايشاهد شوف لولاف
انجيم في ابيوت مطانيب =بنيانها م العبد ينشاف
انحلها وجت المعاشيب =وانحول عند ادخول لصياف