شوقتني بهكنة تمشي هذيل=وجهها منور وفوق النور ليل
وآسرت قلبي وناظرها غزا=مهجتي بالحب وادعاني ذليل
من يصاب بحب زينات اللمى=يخسر الجولة ويدعنه قتيل
صوبتني والصواب بلا دوا =غير كسر القيد ووصول الخليل
قمت آحاورها وهي عني شمم=قلت ردي بالكلام يلو قليل
بعد لحي بالكلام تماثلت=بالتفاته أريش الطرف الثليل
واطلبت مني أعاهدها قبل =ما أغير بالعهود ولا أميل
قلت بالطاعه بعهدي ملتزم=لامر كم وأعطيتها العهد الثقيل
قالت فوادي لغيرك يارجل=كان تفهم عنك باشد الرحيل
قلت من تبغين يابدر الدجى =لاجل اعرف القصد وأبدي المستحيل
قالت أبغي قايد الركب الوفي=بوخليفة دام في عمر طويل
دام في سلم وسلام لأمته=يكرم المحتاج ويجير الدخيل
سمعته غطت على بر وبحر=مكثر فعل اليمايل واليميل
وحد الدولة وثبتها على=ظافر العليا بلا قايل وقيل
شد حيزوم الرجوله واستوى =فارس الهيجا وجحجاح صميل
عالج اشكال المشاكل بالعقل=والتصرف والعدالة دون ميل
حق شعبه مهد دروب الرخا=ياسلامي له جزيل ما هزيل
شيخ ظفر في المواقف كلها=يذكره التاريخ جيل بعد جيل
وإن تلادوا الشور جات مشورته =بين مجموع الأشوار الها دليل
كلمة تنبع من أحساس ووعي=وزنها في المجتمع وزن ثقيل
يعطي كبار المعاطي بالرضا=والعدو يرديه بالسيف السليل
يخبرك وان كان ما عندك خبر=في حوارك لي تدور للعضيل
مطلبي زايد وغاية منيتي=يعل ربي ما يبدل به بديل
شوف جنات الغرايس في الوطن=والبحر والبر خلاهم ظليل
من جميلات الفواكه والنعم=والنوادر من عزيزات النخيل
بالتأخي بعضها بالبعض اعتنق=في رحاب تكرم الضيف النزيل
والطيور أشكال منها تنوجد =كل غصن في الوطن فوقه هديل
في أمان وظل زايد يرتعن=في رحاب الإنس يرعاها عميل
كل منها في مكان ونعمته =طال عمر الشيخ كساب الجميل
حير قلوب الفهاما بالذكا =حكمة له ساقها الرب الجليل
والجزر ترعى بها ريم ومها=وخوياهن ذا مريح وذا يفيل
له تحياتي عدد نور السفر =أو عدد نوض البوارق في المخيل
عيدنا عيد التوحد والبنا=ومن مغارس حبنا هذا الحصيل
وحقنا كل البرايا سالمت=حيث قايدنا كريم ما بخيل
من يتابع شور زايد ما خسر=والشجاع يحب صنع المستحيل
بارك الله في قيادتنا كما =بارك الهادي محمد في الرسيل
والشيوخ اللي بحوله قلدوا=حقه الشورى وخلوه الدليل
عيد سبع وعيد سبعه توحدوا=من ملاحه إلى رمل سودانثيل
فوقهن ثوب البها زان وبها=م الفرح قامن يرفلن به رفيل
وانثنت عني ووقفت ودبرت =واشرت بمخضب الكف اليميل
بالوداع وقلت في حفظ الولي=في أمان الله وتميت المثيل