يا الله يللي عالم بما خفا =يا عامر الدنيا وكل اكوانها
الحمد له والشكر واردود الثنا =على نعمة قد من في عطيانها
من مدته يزل العطا طاح الحيا =واتبدلت عقب المحول ازمانها
ديمية غبا السما من ردنها =شوف النيوم ولا ايشاف بيانها
يقوى بها في حندسه لون الدجى =زود الظلام ويختفي تيشانها
ياوي بها لي ما يمل من السرى =عيل الخبيب وينثنى عن ضانها
هميمه ونية يحدي بها =صوت الرعود السايقات امزانها
ولها الدليل على رحيل امسيرها =شوف البروق اللامعه ضيانها
ايحثها بالهون نسناس الصبا =بالرفج لا تشكي اكشاف اجنابها
عم الوعور مع السهول ابوبلها =وادعى السيول أمغانيه غدرانها
وازخر عشبها في الربيع وربعت =فيه الهزال الكابيات الوانها
الا اتواقف رغدها في ارعيها =والاتهادى بالمسير اسمانها
ادوي فيها المرجدات ضواحي =وتخز وين امحيده حيرانها
واطيورها على الغصون سواجع =بانواع صوت الساجعات الحانها
يا وبت منهن الطروب وقلت له =يا ممرض العشاق من خلانها
كد صابني هم الفراق وكنت به =م المبتلين اللي اتهل اعيانها
اتبات خالين القلوب ابنومها =ويبات من به ليعة سهرانها
من عقب ذا يا من فهيم انظر اما =حاطت به الانفس ابحد اذهانها
عصر ثنى عقب الشدايد بالرخا =بويود من سر الحياة وزانها
واللي كتبنا ربنا في طاعته =واللي كتبت للعاصمه سلطانها
شخبوط بن سلطان سلطان سما =سلالة الشيخان من شيخانها
طاعت له الديره وما ضم الحمى =من دايراين وحاضرين اوطانها
لامره امطيعه لا يرى منها الخطا =واترد الانفس لا يرى عصيانها
نفسه لها للمستهين لطافه =ولمن الانفس لا يرى عصيانها
نفسه لها للمستهين لطافه =ولمن تعدى واعتدى غضبانها
دافي الجناب لمن يحل ابساحته =ضافي اليلال امردي عريانها
له برزة صغر النفوس ابوصفها =والصمت يخبر عن بيان اذعانها
وابجانبيه الحافين ابحضرته =لخوه احياب لديرته واركانها
هم الصقور اذا الدهر اتغيرت =وهم البدور الساطعه حيطانها
شيخ وله في الشامخات منازل =ما حد ما شاهد لها بنيانها
م الحاكمين العادلين اتسلسلت =معلومة معروفة يدانها
هل دولة داست على روس العدي =واطفت لنيران العدى نيرانها
اولاد ياس احشودها واجنودها = وولا زايد تعتزي فرسانها
نامت بها عين المخيف وبالكرى =غفت ولا صاب اللراق ايفانها
تلقى القفور الموحشه شيدت ابها =سود الصقوف وطنبت فى امانها
شبر الفلاحي طايل من بونه =ما طالته لي قاصره ذرعانها
يا الله يالمطلوب يا عيل الرجا =داعيك يطلب رحمتك واحسانها
تحفظ لنا يارب من هم ذخرنا =اشيوخنا الامجاد من عدوانها
لي دارهم صارت بدال اديارنا =وابلادهم بتعيض عن بلدانها
ابهم كفينا م الزمان حوادث =وابهم كفينا من هموم امحانها
وازكى صلاتي والسلام على النبي =والآل ماتحدي الحداه اظعانها